World Boxing: 2 sáýirde qazaqstandyq bes boksshy sharshy alańǵa shyǵady

ASTANA. KAZINFORM - World Boxing aıasynda ótetin álem kýbogynyń birinshi kezeńinde 2 sáýirde qazaqstandyq 4 boksshy sharshy alańǵa shyǵady.

2 sáýirde saǵat 22:00-de el quramasynan Nursultan Altynbek (55 keli) frantsııalyq Bılal Benalımen kezdesedi. Ol alǵashqy jekpe-jeginde brazılııalyq Mıshel Trınıdadıden basym tústi.

Al Darhan Dúısebaı (70 keli) alǵashqy jekpe-jeginde frantsııalyq Makan Traoremen (Frantsııa) sharshy alańǵa shyǵady.

Sondaı-aq túngi 2:00-de el quramasynan Jazıra Oraqbaeva (51 keli) brazılııalyq Karolın Almeıda, Dıas Moljigitov (80 keli) polshalyq Nıkoden Kozakpen sheberlik baıqasady.

El quramasynan 90 keliden joǵary. Danııal Saparbaı úndistanyq Narender Narenderdi tize búktirdi.

Qazirge deıin el quramasynan Nurzat Ońǵarov (50 keli),

Talǵat Syrymbetov (60 keli), Anıta Ádisheva (54 keli), Almat Ábdýalı (65 keli) jarys jolynan shyǵyp qaldy.

Sondaı-aq 4 sáýirde Uljan Sársenbek (57 keli) pen Dáýlet Tólemisov (85 keli) saıysqa túsedi.

Jahandyq dodada 31 naýryz-5 sáýir aralyǵynda Brazılııanyń Fos-dý-Igýasý qalasynda ótedi. Dúbirli báseke World Boxing Cup jarystarynyń jańa serııasy retinde sanalady. Onda bylǵary qolǵap sheberleri birneshe kezeńnen turatyn saıystarda reıtıngtik upaı jınaıdy. Sol arqyly qorytyndy kezeńde bas júldeni sarapqa salady.

Osyǵan deıin qazaqstandyq boksshylar «Jibek joly» týrnırine qatysatynyn jazdyq.