Wordpress.com Qazaqstandaǵy jumysyn qaıta bastaıdy
ASTANA. 12 shilde. QazAqparat. QR Baılanys jáne aqparat mınıstrliginiń «Wordpress.com» resýrsynyń ákimshiligimen júrgizgen kelissózderdiń nátıjesinde ekstremızmdi ashyq túrde nasıhattap, terrorlyq áreketterge halyqty úndegen keıbir blogtardy (www.djamagat.wordpress.com, www.caucase.wordpress.com) jaýyp tastaý týraly sheshim qabyldandy.
Esterińizge salyp ótemiz, «wordpress.com» ınternet-resýrsy Saryarqa aýdandyq sotynyń sheshimimen wordpress.com resýrsynyń ıesi Qazaqstan Respýblıkasynyń zańnamalyq aktilerine qaıshy keletin materıaldardy alyp tastamaıynsha qursaýlanǵan bolatyn.
Sottyń mundaı sheshimge kelýine Astana qalasy prokýrorynyń ótinishinde kórsetilgen birqatar sheteldik BAQ-ta jarııalanǵan materıaldardyń Qazaqstan Respýblıkasynyń zańnamalyq aktilerine qaıshy keletindigi negiz boldy.
Qorytyndysynda sot qazaqstandyq provaıderlerdiń Qazaqstan Respýblıkasynyń aýmaǵynda zańsyz aqparatty taratýyn doǵarýdy belgiledi.
Qazirgi kezde zańǵa qaıshy kontent mazmunyndaǵy materıaldardyń barlyǵy alynyp tastaldy jáne jaqyn ýaqytta «wordpress.com» resýrsy burynǵy qalpynda jumys isteıtin bolady.
