Women’s Speed Chess-2026: Bıbisara Asaýbaeva ózbekstandyq shahmatshyny jeńip, shırek fınalǵa shyqty
ASTANA. KAZINFORM — Qazaqstandyq shahmatshy Bıbisara Asaýbaeva Women’s Speed Chess Championship 2026 bedeldi onlaın týrnırin sátti bastady, dep habarlaıdy Sports.kz.
1/8 fınalda qazaqstandyq grossmeıster Ózbekstan ókili Afrýza Hamdamovany jalpy 10,5:3,5 esebimen jeńip, jarystyń shırek fınalyna joldama aldy.
Asaýbaeva matchtyń barlyq úsh kezeńinde qarsylasynan basym tústi. 5+1 ýaqyt baqylaýyndaǵy blıtste 3,5:1,5 esebimen jeńiske jetse, 3+1 formatynda 4:1 esebimen basym boldy. Al 1+1 formatyndaǵy pýlda da Hamdamovaǵa múmkindik bermeı, 3:1 esebimen jeńdi.
Osylaısha, Bıbisara Asaýbaeva matchty 10,5:3,5 esebimen aıaqtap, Women’s Speed Chess Championship 2026 týrnıriniń shırek fınalynda chempıondyq ataq úshin kúresin jalǵastyrady.
Buǵan deıin Bıbisara Asaýbaeva álemdik reıtıngte birinshi bolýdy maqsat etip otyrǵanyn málimdegen bolatyn.
Aıta keteıik, ol alǵash ret álemniń úzdik 5 shahmatshysynyń qataryna qosyldy.
