WKF karateden Máskeýdegi premer-lıga kezeńin keıinge shegerdi
NUR-SULTAN. QazAqparat - Búkilálemdik karate federatsııasy (WKF) Máskeýdegi Premer-lıga kezeńiniń keıinge shegerilgenin resmı túrde málimdedi, dep habarlaıdy QazAqparat olympic.kz silteme jasap.
Halyqaralyq týrnır bıylǵy jyldyń 2-4 qazany aralyǵynda ótýi tıis bolatyn. Alaıda, uıymdastyrýshylar týrnırdi jyl sońyna qaldyrýdy jón kórip otyr. Jarystyń naqty ótetin merzimi keshirek belgilenedi.
«Sportshylar men jarysty uıymdastyrýshylardyń densaýlyǵy biz úshin asa mańyzdy. Karateshilerdiń basyn qosý úshin biz álemdegi jaǵdaıdy baqylaýda ustaımyz», - delingen málimdemede.
Osyǵan deıin álem chempıonaty da keıinge shegerilgen bolatyn.
