Wizz Air Abu Dhabi Astana men Abý-Dabı arasyndaǵy reısterdi ýaqytsha toqtatty
ASTANA. KAZINFORM — Wizz Air Abu Dhabi áýe kompanııasy Taıaý Shyǵystaǵy qazirgi saıası jaǵdaıǵa baılanysty Astana (NQZ áýejaıy) men Abý-Dabı (AUH áýejaıy) arasyndaǵy reısterdi ýaqytsha toqtatatyny týraly habarlady.
Astana halyqaralyq áýejaıynyń málimetinshe, osy baǵyttaǵy sońǵy reıs 2025 jylǵy 19 maýsymda oryndalǵan. Ushaq NQZ áýejaıynan jergilikti ýaqyt boıynsha saǵat 15:45–te ushyp shyqqan.
— Abý-Dabıden Astanaǵa qaıtý reısin josparlaǵan jolaýshylarǵa kompanııa balama baǵyt retinde Almaty arqyly ushýdy usynady. Eger bul nusqa jolaýshyǵa saı kelmese, bılet qunyn tolyq qaıtarý múmkindigi qarastyrylǵan. Ol úshin Wizz Air-diń call-ortalyǵyna habarlasý qajet, — delingen habarlamada.
Buǵan deıin Taıaý Shyǵystaǵy qaqtyǵys aýmaǵynan 109 otandasymyz elge qaıtarylǵanyn jazǵan edik.
Sonymen qatar Qazaqstan Taıaý Shyǵys elderine áýe keńistigin japqany belgili boldy.