Winter Run: 20 aqpanda Almaty qalasy joldarynyń bir bóligi jabylady
ALMATY. QazAqparat - «Winter Run» jarysynyń uıymdastyrý komıteti Almaty turǵyndary men qonaqtaryna jarys ótetin kúni joldardyń ishinara jabylatyny týraly málimdedi, dep habarlaıdy QazAqparat tilshisi.
20 aqpan kúni «Winter Run» jarysy ótetin ýaqytta, ıaǵnı, tańǵy saǵat 05:00-den 13:00-ge deıin jarys qashyqtyǵy ótetin jerlerde joldardaǵy qozǵalys ishinara jabylady.
Jarys sóresi «Nurly-Taý» bıznes ortalyǵynyń janynan bastalady. Ál-Farabı dańǵylynyń soltústik jaǵynda Nazarbaev dańǵylynan Jeltoqsan kóshesine deıingi jol bóliginde qozǵalys saǵ. 05:00-den 13:00-ge deıin jabyq bolady.
Ál-Farabı dańǵyly boıynda týnnelge kiretin aımaq Meńdiqulov kóshesinen bastap saǵ. 05:00-den 13:00-ge deıin jabyq bolady.
Ál-Farabı dańǵylynyń ońtústik jaǵymen avtokólikterdiń júrýine bolady.
Ál-Farabı dańǵylynyń soltústik jaǵynda Jeltoqsan kóshesinen Esentai Mall saýda ortalyǵyna deıin qozǵalys saǵat 07:40-tan 11:00-ge deıin jabyq. Ońtústik jaǵy avtokólikter úshin ashyq.
Ál-Farabı dańǵylynyń soltústik jaǵynda Esentai Mall saýda ortalyǵynan Gagarın dańǵylyna deıin qozǵalys saǵat 08:30-dan 10:45-ke deıin jabyq bolady. Ońtústik jaǵy avtokólik qozǵalysy úshin ashyq.
«Nurly-Taý» bıznes-ortalyǵyna kólikpen jetý úshin usynylatyn marshrýt:
1. Jeltoqsan kóshesiniń boıymen ońtústikke qaraı Ál-Farabı dańǵylyna deıin,
2. Nazarbaev dańǵylynyń boıymen ońtústikke qaraı Ál-Farabı dańǵylyna deıin,
3. Ál-Farabı dańǵylynyń boıymen batysqa qaraı Nazarbaev dańǵylyna deıin,
4. Nazarbaev dańǵylynyń boıymen soltústikke qaraı Ál-Farabı dańǵylyna deıin,
5. Ál-Farabı dańǵylynyń ońtústik jaǵymen Jeltoqsan kóshesine deıin.
«Joldardyń júktelý deńgeıiniń joǵary bolýyna baılanysty qatysýshylarǵa jarystyń bastalý ornyna («Nurly-Taý» BO) Ál-Farabı dańǵyly men Seıfýllın kóshesiniń qıylysyna deıin avtobýspen jetýge keńes beremiz. Sóre qalashyǵynyń janynda kólikti turaqqa qoıý qıyn bolatyndyǵyna nazarlaryńyzdy aýdaramyz»,- dedi uıymdastyrýshylar
Esterińizge salaıyq, 20 aqpanda (jeksenbi) «Winter Run» jarysy ótedi. Sport áýesqoılaryna 3 km júgirý qashyqtyǵy usynylǵan. Olar:
3 km balalar qashyqtyǵy,
10 km jáne 7 km skandınavııalyq júris.
Qatysýshylardyń jas mólsheri – 10 jastan joǵary. Jarys sóresi «Nurly-Taý» bıznes ortalyǵynyń janynan beriledi.
