Winter Cup týrnıri fınalynda kezdesetin komandalar anyqtaldy

ASTANA. KAZINFORM - Fýtboldan Qazaqstan klýbtary arasynda ótip jatqan «Winter Cup» týrnıri fınalynda kezdesetin komandalar anyqtaldy.

Jartylaı fınaldaǵy ekinshi kezdesýde qostanaılyq «Tobyl» men «Aqtóbe» komandalary synǵa tústi.

Kezdesý barysynda qostanaılyq klýb qarsylasyn 4:2 esebimen tize búktirdi.

Aıta ketsek, jartylaı fınaldaǵy alǵashqy oıynda Shymkenttiń «Ordabasy» klýby Semeıdiń «Elimaıyn» 4:0 esebimen súrindirdi.

Endi 21 aqpan kúni «Ordabasy» men «Tobyl» bas júldeni sarapqa salsa, 3-oryn úshin «Elimaı» men «Aqtóbe» sheberlik baıqasady.

Atalǵan týrnır alǵash ret fýtboldan Qazaqstan klýbtary arasynda ótkizilýde. Týrnır Túrkııanyń Belek qalasynda bolyp jatyr.

Jańa maýsym aldyndaǵy týrnır barysynda 100 mıllıon teńge sarapqa salynady. Dop dodasynyń jeńimpazy 60 mln teńgege ıe bolsa, ekinshi oryn alǵan klýb 40 mln teńgege qol jetkizedi.