Windows 95 braýzerde iske qosyldy
ASTANA. QazAqparat - Shotlandııada 19 jasar Andre Foldsý Windows 95-ti qandaı da bir plagınsiz jumys istete aldy. The Next Web saıtynyń habarlaýynsha, operatsııalyq júıeniń 20 jyl burynǵy nusqasy braýzerlik JavaScript komandalarynda C++ kodyn konvertsııalaıtyn emýlıatorda jumys isteýde.
Emscripten emýlıatory men DOSBox vırtýaldyq mashınasy plagınderdi ornatý jáne Windows 95 shań basqan dıskin izdep áýre bolmaı-aq retronusqany paıdalanýǵa múmkindik berip otyr. Operatsııalyq júıe JavaScript-te qurastyrylady, sodan soń ǵalamtor arqyly braýzerge jiberilip qoldanysqa beriledi. Braýzerde eskine eske túsirip «Solıter» oınaýǵa, DOS-pen jumys isteýge bolady.
Emýlıator asa sátti shyqpaǵan. Mysaly, Internet Explorer emýlıatordyń ishinde tur. Alaıda jas shotlandııalyqtyń jumysy jaqsy áser qaldyrady, ınjenerlik oı jemisiniń qarymy qanshalyqty ekenin kórsetedi.
