Wildberries Peterbýrgte órtenip ketken qoımanyń 16 qyzmetkerin izdestirip jatyr

Wildberries onlaın reteıleri 13 qańtar kúni qoımada jumys istegen 16 adamdy izdeýdi jalǵastyryp jatyr. Bul týraly kompanııanyń baspasóz qyzmeti Telegram arnasynda habarlady, dep habarlaıdy Kazinform TASS-qa silteme jasap.

«Qazirgi ýaqytta 16 adamnyń turǵan jerin anyqtap jatyrmyz», — delingen habarlamada.

Buǵan deıin Wildberries baspasóz qyzmeti Shýsharyda órtengen qoımanyń 49 qyzmetkeriniń baılanysqa shyqpaǵanyn, kompanııa ókilderi olardyń jaqyndarymen baılanysta ekenin habarlaǵan.

13 qańtarda Sankt-Peterbýrgtegi Shýshary aýylyndaǵy ınternet-dúkenniń qoımasynda órt shyqty.

Wildberries baspasóz qyzmetiniń málimdemesinde sol kúni Máskeý ýaqytymen 07:20–da qoımada 1,2 myń adam bolǵany aıtylǵan.

Zardap shekkender týraly málimet joq.

Tergeý komıteti órtke qatysty RF Qylmystyq kodeksiniń 201-baby (qyzmet babyn asyra paıdalaný) boıynsha qylmystyq is qozǵady.