«Wikipedia»-ny qazaq tildegi maqalalarmen tolyqtyrý maqsatynda jarııalanǵan baıqaýdyń alǵashqy jeńimpazdary anyqtaldy

Báıgeni 2011 jyldyń 16 maýsymynda «Samruq-Qazyna» ulttyq ál-aýqat qory men «Nokıa» kompanııasynyń qoldaýymen «Wikibilim» qoǵamdyq qory jarııalady.

Baıqaý qatysýshylaryna birqatar talaptar men sharttar qoıyldy. Máselen, avtor Vıkıpedııaǵa keminde 100 maqala jazýǵa mindetti, maqalalar qazaq tilinde bolýy jáne naqty qaınar kózderge negizdelýi tıis, mátinder men sýretter ózge saıttardan nemese basylymdardan kóshirilip alynbaýy qajet. Baıqaýshylar osy syndy barlyǵy 10 shartty buljytpaı oryndaýǵa mindetti.

Báıge sońǵy 100-shi adam anyqtalǵanǵa deıin jalǵasady. Osy kúnge deıin, «100 maqala» báıgesinde - Jezqazǵan qalasynyń turǵyny, № 1 mekteptiń qazaq tili men ádebıeti pániniń muǵalimi Meıramgúl Qalıeva, «100 maqala» jáne «úzdik maqala» atalymdarynda - Qazaqstan Musylmandary dinı basqarmasynyń Ońtústik Qazaqstan oblysy boıynsha ókili, «Abdýl Hamıd Qattanı» ortalyq meshitiniń resmı saıtynyń ákimshisi Ulyqbek Alıakbaruly, sondaı-aq «úzdik maqala» jáne «úzdik redaktor» atalymynda - Almaty qalasyndaǵy Halyqaralyq aqparattyq tehnologııalar ýnıversıtetiniń stýdenti Nursultan Haımýldın jeńimpazdar atandy.

Myńnan tulpar shyqqan avtorlar uıymdastyrýshylardyń baǵaly syılyqtaryn aldy. Máselen, QMDB-nyń OQO boıynsha ókil ımamynyń orynbasary Muhamedjan Estemirovtyń aıtýynsha, «Wikibilim» qorynyń jetekshisi Raýan Kenjehanuly, U.Alıakbarulyna noýtbýkty, qalta telefonyn jáne «Nokıa» kompanııasynyń TMD jáne Ońtústik óńir boıynsha bas menedjeri Karel Golýbtyń sertıfıkatyn tabys etti.