Wikipedia basshysy feık-aqparattarmen kúres boıynsha servıs ashpaq
Testilik rejimde iske qosylǵaly jatqan servıs Wikitribune dep atalady. Máselen, Wikitribune saıtynda shyndyqqa sáıkestikke tekserilgen jańalyqtar men ózekti taqyryptar ornalastyrylyp turady. Saıtqa materıaldardy jarııalap otyrýǵa redaktorlar men tilshiler toby jaýapty bolady.
«Biz jabyq kúıdegi testileý kezeńindemiz. Taıaý keleshekte ashylamyz», - dep málim etti Ýeıls.
Wikitribune-niń jumysyna ondaǵan tilshi qabyldanyp úlgerdi. Jobany qarjylandyrý erikti aqsha aýdarymdarynyń arqasynda júzege asyrylatyn bolady. Ideıa avtorlarynyń paıymynsha, bul ınternet-resýrstyń beıtaraptyǵyn qamtamasyz etpek. Aıta keteıik, jańalyqtardy barlyq ınternet-qoldanýshylar redaktsııalaı alady. Alaıda olar resýrs qyzmetkerleriniń tekserisinen keıin ǵana jarııalanyp otyratyn bolady.