WikiLeaks-tiń reseılik nusqasy Rýnetten oryn tappady
ASTANA. 4 qazan. QazAqparat - WikiLeaks áshkereleý saıtynyń reseılik nusqasy RusLeaks-tiń qurýshylary jobany jabý jóninde sheshim qabyldady.
QIP.RU habarlaǵandaı, túrli vedomstvolardyń jabyq málimetter qory ashyq túrde usynylǵan, sondaı-aq uıaly baılanys operatorlarynyń telefon nómirleri kórsetilgen RusLeaks resýrsynyń barlyq: rusleaks.com, rusleaks.net, rusleaks.org - meken jaılary oqyrmandar úshin jabyq bolǵan.
Mundaı sheshim qabyldaýǵa «qurylý maqsatynyń júzege aspaı qalýy» sebep bolǵan, bul jóninde saıtqa onyń negizin qalaýshylar ózderi jazǵan. Olar sonymen qatar jobaǵa qoldaý kórsetkenderdiń bárine alǵys bildiripti.
RusLeaks eldegi jemqorlyqpen kúresý maqsatynda qurylǵan. Negizin qalaýshylardyń aldyn ala oılastyrýy boıynsha, jemqorlyqqa qarsy turýdyń basty amaldary retinde saıtqa ornalastyrý kezinde qupııa aqparattyń bir bóligin ashyq qaldyrý kerek bolatyn.
