WikiLeaks-tiń negizin qalaýshy Djýlıan Assanj qamaýǵa alyndy
BRıÝSSELЬ. QazAqparat - WikiLeaks uıymynyń negizin qalaýshy Djýlıan Assanj Londonda ustaldy. Bul týraly beısenbi kúni Skotlend-ıArdtyń baspasóz qyzmeti málim etti, dep habarlaıdy «QazAqparat» HAA-nyń menshikti tilshisi.
«47 jastaǵy Djýlıan Assanjdy búgin 11 sáýir, beısenbi kúni London polıtsııa qyzmetiniń qyzmetkerleri Vestmınster magıstrattar soty sotqa kelýden bas tartqany úshin 2012 jylǵy 29 maýsymda bergen order negizinde Ekvador elshiliginde ustady», - delingen habarlamada.
Ol Londonnyń ortalyq polıtsııa ýchaskesinde qamaýda otyr. Assanj Vestmınster sotyna shaqyrylǵanǵa deıin sonda bolady.
Skotlend-ıArd ókilderiniń aıtýynsha, polıtseıler ony qamaýǵa alý týraly sot bergen order aıasynda óz mindettemelerin atqarǵan. Ekvador Assanjǵa pana bolýdan bas tartqan soń, elshi elshilikke polıtseılerdi shaqyrǵan.
WikiLeaks uıymynyń negizin qalaǵan Assanj 2012 jyly Shvetsııaǵa ekstradıtsııalanýdan jaltarý úshin Ekvadordyń Londondaǵy elshiliginen pana suraǵan. Shvetsııada Assanjǵa zorlaý deregi boıynsha aıyp taǵylǵan. Alaıda Assanj ózine taǵylǵan aıyptaýlardyń eshbirin moıyndamaı otyr.
