Wikileaks saıty jarııalaǵan materıaldar laýazymdy tulǵanyń otstavkasyna sebep boldy
ASTANA. 3 jeltoqsan. QazAqparat - Germanııanyń syrtqy ister mınıstri, Azat demokratııalyq partııanyń basshysy Gıdo Vestervelleniń apparat jetekshisi Helmýt Metsner otstavkaǵa jiberildi,
dep habarlaıdy RosBıznesKonsaltıng agenttigi.
Nemis basylymdarynyń jazýynsha, Wikileaks saıty jarııalanǵan atyshýly qujattardan málim bolǵandaı, Helmýt Metsner german saıasatyndaǵy qupııa protsester týraly málimetterdi amerıkandyqtarǵa habarlap otyrǵan.
Atap aıtqanda ol, Germanııadaǵy sońǵy parlamenttik saılaýdan keıin 2009 jyldyń qazan aıynda bolǵan bılik júrgizýshi koalıtsııany qurý jónindegi kelissózderdiń barysy týraly Berlındegi AQSh elshiligine habarlap otyrǵan.
WikiLeaks saıty AQSh Memlekettik departamentiniń biraz qupııa materıaldaryn jarııalaǵanyn buǵan deıin habarlaǵan edi. Qupııa qujattarmen qosa, amerıkan sheneýnikteriniń birqatar memlekettiń basshylaryna qatysty kózqarastary da jarııa bolyp otyr. Atap aıtqanda, Germanııa kantsleri Angela Merkeldi amerıkandyqtar tákappar, kertartpa jáne táýekelden qashqaqtaıtyn adam retinde qabyldaıdy eken.
