WikiLeaks Gýantanamo týraly aıtpaq
ASTANA. 9 jeltoqsan. QazAqparat - WikiLeaks saıtynyń kelesi aqparattary Gýantanamo túrmesindegi jaǵdaı týraly AQSh Memlekettik departamentiniń esepterimen baılanysty bolady, dep habarlaıdy Utro.ru saıty. Bul týraly WikiLeaks saıtynyń negizin qalaýshy Djýlıan Assandjdyń tanysy beısenbi kúni habarlady.
Kýbada ornalasqan Gýantanamo túrmesinde Irak pen Aýǵanstanda tutqynǵa alynǵan adamdar otyr.
Aıta ketý kerek, AQSh Kongresiniń Ókilder palatasy sársenbi kúngi otyrysynda 2011 jyly Gýantanamo bazasyn jabýǵa qarsy daýys berdi. Gýantanamoda otyrǵan jáne lańkestikke qatysy bar degen kúdiktilerdi AQSh aýmaǵyndaǵy túrmelerge aýystyrýǵa tyıym salatyn zań jobasyn 212 parlamentshi qoldasa, 206 depýtat qarsy daýys bergen.
