WikiLeaks: AQSh Izraılge bomba jetkizip otyr
ASTANA. 29 qarasha. QazAqparat - Osydan bir jyl buryn AQSh Irannyń ıadrolyq nysandaryna soqqy jasaý úshin Izraılge avıabombalar jetkizýge kelisken. WikiLeaks portalyna silteme jasap batys basylymdary jarııalap otyrǵan qupııa materıaldar osyny aıtyp otyr, dep habarlaıdy SNN agenttigi.
Jarııa etilgen málimetter boıynsha, bomba jetkizý týraly kelisim ótken jyldyń qarasha aıynda ótken eki eldiń qorǵanys mınıstrleri ókilderiniń kezdesýinde jasalǵan. Al sol jyldyń maýsym aıynda AQSh pen Izraıl parlamentshileriniń jáne dıplomattarynyń kezdesýi ótip, onda Izraıldiń qorǵanys mınıstri Ehýd Barak «Irannyń ıadrolyq qarý jasaýyna múmkindik bermeý úshin, bombalardyń «jarty jyl men bir jarym jyldyń ishinde jetkizilip qalatynyn»,- aıtqan, - dep habarlaıdy basylymdar.
AQSh barlaýynyń deregi boıynsha, «Iran ıadrolyq qarý jasaýǵa qajetti tehnologııalarǵa 2011-2011 jyldary qol jetkizip qalady».
