Wi-Fi adamnyń basyn aýyrtyp, ósimdikterdi qurtady
ASTANA. 2 qańtar. QazAqparat - Ǵalymdar adamzatqa zor paıdasyn tıgizip júrgen tehnıkalyq progress quraldarynan min izdeýdi toqtatar emes. oOardyń endigi nazary ınternetpen symsyz baılanys Wi-Fi jelisine túsipti.
Danııalyq ǵalymdar toby symsyz ınternetpen baılanys, ıaǵnı Wi-Fi-dyń adam densaýlyǵyna áserin zerttedi. Sońǵy jyldary tehnıkalyq jańalyq bolyp qoǵam ómirine nyq kirgen Wi-Fi-tehnologııasy, ókinishke oraı, adam aǵzasyna zııan bolýy múmkin. Wi-Fi mıdaǵy tamyrlarǵa áser etip, olardyń tartylyp, qysylýyna ákep soǵady. Al ol óz kezeginde bastyń aýrýyna sebep bolady.
Ǵalymdar mundaı sheshimge mektep oqýshylaryna júrgizilgen zertteýden keıin keldi. Olar oqýshylar uıqyǵa jatqanda jastyqtarynyń astyna Wi-Fi jelisi qosylǵan smartfondar salyp júrgen. Tańmen ǵalymdar balalardyń densaýlyq jaǵdaıyn tekserip, oqýshylardan bas aýrýdy, sharshaǵandyqty baıqaǵan.
Sonymen qatar, úıinde Wi-Fi jelisin paıdalanýshylar óziniń bólme ósimdikterine nazar aýdarýlary tıis. Óıtkeni júrgizilgen tájirıbe negizinde Wi-Fi jelisi ósimdikterdi qurtatyny dáleldendi. Qosýly Wi-Fi-modemimen bir bólmede turǵan 6 ósimdik túri 12 kúnde-aq qurǵap, sarǵaıa bastady.
