WhatsApp jáne Telegram messendjerlerinde azamattardy aldaý derekteri jıilep ketti

ІІM sońǵy ýaqytta WhatsApp pen Telegram messendjerlerin paıdalana otyryp, azamattardy aldaý jaǵdaılary jıilep ketkenin aıtty, dep habarlaıdy Kazinform Polisia.kz-ke silteme jasap.

Kóbinese alaıaqtar azamattardyń akkaýntyna silteme túrinde zııandy baǵdarlama hatyn jiberedi. Ádette, siltemede balalarǵa daýys berý, syılyqtar, utys oıyny nemese ártúrli taqyryptarǵa suraq-jaýap, saýalnama jáne t.b. túrinde bolady. Siltemeni basqannan keıin alaıaqtar azamattardyń messendjerine qol jetkize alady.

Ári qaraı jábirlenýshilerdiń shotynan qaryzǵa aqsha suraıtyn mátin jiberiledi. Sonymen qatar mundaı hattardy alýshylar bul naqty ótinish dep sanaıdy. Aqsha alý úshin alaıaqtar úshinshi tulǵalardyń shottaryn paıdalanady.

Osyǵan baılanysty ІІM azamattardy qyraǵy bolýǵa jáne týystarynan, dostarynan jáne taǵy basqalardan túsken kúmándi siltemelerge ótpeýge shaqyrady.

"Mundaı hattardy alǵan kezde olardy ashpaýdy jáne jiberýshimen baılanysty birden doǵarýdy usynamyz. Eger siz siltemeni ashqan bolsańyz, tirkelgen nemese baılanǵan bógde qurylǵylardyń bar-joǵyn tekserý qajet. Ol úshin WhatsAp jáne Telegram messendjerler qosymshasynda BAPTAÝLAR, odan ári – qurylǵy baılanystyrý (Telegram-da – QURYLǴYLAR), onda parallel qosylystar kórsetiledi. Eger qoıyndyda bógde qurylǵy bolsa, sessııadan shyǵý kerek. Jeke derekter men baılanystardy qorǵaý úshin mundaı protsedýrany múmkindiginshe jıi júrgizý usynylady". - delingen Polisia.kz-nyń saıtynda.