WhatsApp vıdeosuhbatyna endi segiz adamǵa deıin qosyla alady

NUR-SULTAN. QazAqparat - WhatsApp arqyly jappaı vıdeoqońyraý shalý endi bárine qoljetimdi boldy. Jańa ózgeris iOs jáne Android-ta engizilgen, dep habarlaıdy QazAqparat ixbt.com saıtyna silteme jasap.

Áıgili WhatsApp messendjerin jasap shyǵarýshylar komandasy qarapaıym paıdalanýshylar úshin vıdeoqońyraý shalý kezinde oǵan qatysýshylar sanyn kóbeıtti. Sońǵy ýaqytta bul qyzmet túri jelide kóp talqylanǵan.

Buǵan deıin osy fýnktsııa qosymshanyń beta-nusqasynda testtik rejımde qoljetimdi bolǵan. Testileý ótken aptadan beri júrgizilgen.

Endi keńeıtilgen lımıti bar WhatsApp-ty iPhone úshin App Store-dan jáne Android smartfondary úshin WhatsApp saıtynan (2. 20.141 nusqa) júktep alýǵa bolady. Bul jańalyq shyqqan ýaqytta Google Play-de qosymshanyń eski nusqasy ǵana qoljetimdi bolǵan.

Jańartý toptyq qońyraýǵa burynǵy tórt adamnyń ornyna endi segiz adamdy qosýǵa múmkindik beredi. Sondaı-aq bul fýnktsııany jasap shyǵarýshylar osyndaı qońyraýlardyń qorǵalǵanyn jáne shıfrlanǵanyn aıtady. Bul rette barlyq qatysýshylar WhatsApp-tyń cońǵy nusqasyn paıdalanýy tıis.

Jańa nusqadaǵy ІPhone paıdalanýshylary úshin iOS 13 dızaınyna sáıkes jańa ınterfeıs quryldy, sonyń ishinde habarlamalardy basqarýdyń jańartylǵan máziri paıda boldy.