WhatsApp-ty qoldanystan shyǵaratyn messendjer iske qosylmaq
ASTANA. QazAqparat - WhatsApp, Viber jáne Telegram messendjerlerin qoldanýshylar sany kún saıyn artyp keledi. Sol sebepten Google kompanııasy birer aı buryn atalmysh qyzmetterdi qoldanystan túsiretin júıeni shyǵarýǵa sheshim qabyldady. Bul týraly AZERTADJ vistanews.ru saıtyna silteme jasap habarlady.
Chromium Gemit komandasynyń ázirleýshileri atap ótkendeı, Google kompanııasy WhatsApp jáne Viber jelilerin joıatyn qyzmet túrin kópshilik qoldanysqa engizý jumystaryn júrgizip jatyr. Áńgime Android Messages týraly bolýda. Ol Android Messages dep atalatyn operatsııalyq júıelerdiń bazasynda barlyq smartfondarǵa engiziledi. Amerıkalyq korporatsııa bolashaqta atalmysh messendjerdi barlyq platformalarda jáne elektrondyq qurylǵylarda, sondaı-aq kompıýterler men planshetterde qoldanýǵa múmkin bolatyndaı etip jasap shyǵarmaq.
Qazirgi ýaqytta Android Messages-te bútin bir messendjerge tán fýnktsııalar joq, alaıda bıylǵy jyldyń aıaǵyna deıin bári ózgermek. Osydan eki aı buryn ǵana Google atalmysh servıs tolyǵymen qaıta óńdeletinin jarııa etken bolatyn. Al tolyǵyraq aqparattarmen keıinirek bólisýge ýáde etti.
