WhatsApp-ty qoldanýshylar sany 2 mıllıard adamǵa jetti
NUR-SULTAN. QazAqparat – WhatsApp qosymshasyn álem boıynsha eki mıllıard adam qoldanady, dep habarlaıdy QazAqparat kompanııanyń saıtyna silteme jasap.
«Buryn tek kezdesý kezinde aıtylatyn qupııa áńgimelerdi qazir álemniń kez kelgen núktesinde otyryp chattar men vıdeoqońyraýlar arqyly júrgizýge bolady. Baılanys quralyn jıi neǵurlym jıi qoldanǵandyqtan qaýipsizdikti de soǵurlym kóp oılaýymyz kerek. Biz jelide kóp ýaqyt ótkizetindikten, áńgimemizdiń qupııalylyǵy da mańyzdy. Sondyqtan WhatsApp-taǵy árbir habarlama shıfrlaný arqyly qorǵalǵan. Bul shıfrlaý sandyq qulyp retinde WhatsApp-taǵy aqparattardy jáne hakerler men qaskúnemderden qorǵaıdy», - delingen kompanııanyń taratqan habarlamasynda.
WhatsApp bastapqyda-aq qarapaıym, senimdi jáne qupııa servıs retinde oılastyryldy. Qazirgi ýaqytta kompanııa qupııa baılanysty usyný ıdeıasyn jáne álemdegi eki mıllıard qoldanýshynyń jeke habarlamalaryn qorǵaýdy qamtamasyz etip keledi.
