«Whatsapp», «Telegram» arqyly alaýyzdyqty qozdyrǵan 11 adam ustaldy

ASTANA. QazAqparat - 16 qarashada UQK Ońtústik Qazaqstan oblysy boıynsha departamenti ishki ister organdarynyń qatysýymen terrorızmdi nasıhattaý jáne dinı alaýyzdyqty qozdyrý kúdigi boıynsha Saıram aýdany men Shymkent qalasynyń 11 turǵynyn ustady.

Kórsetilgen adamdar «Whatsapp», «Telegram» messendjerlerinde jáne Internet áleýmettik jelilerinde «DAISh» jáne basqa da halyqaralyq terrorıstik uıymdardyń ekstremıstik ıdeologııasyn nasıhattaıtyn materıaldardy júıeli túrde taratqan, dep habarlaıdy QR UQK baspasóz qyzmeti.


Ekstremıstik materıaldar jalpy sany 400-den astam qatysýshysy bar 24 jelilik qoǵamdastyqqa ornalastyrylǵan.

Tergeý jáne ózge de is-sharalar jalǵasýda.