WhatsApp-taǵy jalǵan jarnamaǵa sengen Oral turǵyndary aqshalaryn joǵaltty
ORAL. QazAqparat - Oral qalasynda alaıaqtyq derekteri 11 paıyzǵa artyp otyr. Bul týraly BQO prokýratýrasynyń baspasóz qyzmetinen málim etti, dep habarlaıdy «QazAqparat» tilshisi.
Anyqtalǵandaı, alaıaqtyqtyń artýyna áleýmettik jelide jalǵan habarlandyrý berý jolymen jasalǵan qylmystar áser etýde. Olar jalpy alaıaqtyqtyń 28 paıyzyn quraýda. Mysaly, 18 jastaǵy boıjetken Instagram áleýmettik jelisinde uıaly telefondary kórsetilgen adamdardy taýyp, olarǵa WhatsApp arqyly balalar kıimderiniń jalǵan jarnamalaryn joldap kelgen. Al taýardy satyp alý úshin aqsha qarajattaryn QIWI-ámııany arqyly tóleýdi usynǵan. 100 paıyz tólemdi alǵannan keıin tapsyrys berýshilermen baılanysty úzip otyrǵan. Alaıaqtyń qaramaǵyna qalanyń 30 turǵyny iligip, olarǵa 500 myńnan astam teńge materıaldyq zalal keltirildi.
Sol sekildi keıbireýlerdiń sengishtigi saldarynan kartochkasy týraly málimetterdi qylmyskerlerge berip, olardyń bankomat arqyly aqsha qarajattaryn sheship alýy arqyly jasalǵan qylmys ta keń taralyp otyr.
