WhatsApp-taǵy toptarǵa arnalǵan jańa fýnktsııalar engizildi
Ekranda toptyń maqsatyn, erejelerin nemese taqyrybyn jazýǵa bolatyn qysqasha ańdatpa paıda bolady. Topqa jańadan qosylǵandar ekrannyń joǵarǵy bóliginde toptyń sıpattamasyn kóredi.
Toptyń ákimshileri onyń atyn, sýretin, sıpattamasyn ózgerte alatyn adamdardy da baqylaı alady. Eger paıdalanýshy toptaǵy chatqa biraz ýaqyt qatyspaǵan bolsa, chattyń oń jaq, tómengi buryshynda ornalasqan «@» pernesin basý arqyly ózine arnalǵan habarlamalardy jyldam qarap shyǵa alady.
«Ákimshiler toptyń basqa qatysýshylaryn ákimshi bolý quqyǵynan aıyra alady. Al sol topty ashqan paıdalanýshylardy toptan shyǵaryp jiberý endi múmkin emes», - delingen habarlamada.
Toptan shyǵyp ketken paıdalanýshylardy sol topqa qaıta qosýǵa bolmaıdy. Osy fýnktsııalar Android jáne iPhone qoldanýshylaryna búginnen bastap qoljetimdi.