WhatsApp-ta synyptas qyzdy qorlaǵan oqýshylar ótemaqy tóleýge májbúr boldy
Nur-Sultan qalasynyń Almaty aýdandyq soty B-nyń jaýapkerler K. jáne J-dan moraldyq zalal óteý týraly talap aryzy boıynsha azamattyq isti qarady.
2021 jylǵy qyrkúıek aıynda burynǵy synyptastarynyń WhatsApp-taǵy chatynda jaýapkerlerdiń balasy óziniń synyptastaryna, sonyń ishinde talap qoıýshynyń qyzyna qadir-qasıetin qorlaıtyn habarlamalar jazǵan.
Qyzdyń anasy 3 mln teńge somasynda moraldyq zalal talap etip, sotqa júgindi.
Sebebi synyptastary jazǵan qorlaıtyn habarlamalardan keıin onyń kámeletke tolmaǵan qyzy bir aı boıy kúızeliske túsip, jylaǵan.
Sonyń saldarynan qyzǵa psıhologtyń kómegi qajet bolǵan.
Kámeletke tolmaǵandar isi jónindegi mamandandyrylǵan aýdanaralyq sottyń qaýlysymen jasóspirimniń ákesi kámeletke tolmaǵan balany tárbıeleý boıynsha óz mindetterin oryndamaǵany úshin ákimshilik jaýapkershilikke tartylǵan.
Moraldyq zııandy óteý mólsherin anyqtaý kezinde sot synyptastaryn qorlaý nátıjesinde psıhologııalyq kúızeliske ushyraǵan kámeletke tolmaǵan qyzdyń jeke múliktik emes ıgilikteri men quqyqtarynyń ómirlik mańyzyn, sondaı-aq jaýapkerlerdiń otbasylyq jáne múliktik jaǵdaıyn eskerdi.
Sot sheshimimen talap qanaǵattandyryldy.
Balanyń ata-anasynan talap qoıýshynyń paıdasyna ortaq tártipte 200 myń teńge mólsherinde moraldyq zııannyń ótemaqysy óndirip alyndy.
Sheshim zańdy kúshine engen joq.
