WhatsApp-ta «Medıafaıldarmen bólisý» máziri jańardy
ASTANA. KAZINFORM — WhatsApp-tyń iOS nusqasynda medıafaıldardy jiberýge arnalǵan jańartylǵan ınterfeıs testileýden ótip jatyr. Jańa múmkindik qoldanýshylarǵa aǵymdaǵy chattan shyqpaı-aq foto men vıdeolardy jyldam bólisýge múmkindik beredi. Bul týraly WABetaInfo portalyna silteme jasap, 24 kg jazdy.
Jańartý iPhone-ǵa arnalǵan qosymshanyń sońǵy nusqasynan anyqtalǵan. Endi paıdalanýshylar bólek galereıaǵa ótpeı-aq, jiberý máziriniń ózinen sońǵy foto jáne vıdeolardy qaraı alady. Ol úshin ınterfeıste sońǵy faıldar kórsetiletin 4×4 formatyndaǵy yqsham tor bólim paıda bolǵan. Ony kóldeneń baǵytta aınaldyryp kórýge bolady.
Eger qajetti faıl sońǵy materıaldardyń arasynan tabylmasa, WhatsApp qurylǵy galereıasyna tolyq qoljetimdilikti avtomatty túrde ashady. Sonymen qatar jańa mázirdi habarlama engizý jolaǵyndaǵy «plıýs» batyrmasyn uzaq basý arqyly da jyldam shaqyrýǵa bolady.
WABetaInfo málimetinshe, jańartý WhatsApp-tyń iOS júıesine arnalǵan 26.19.75 nómirli nusqasyn paıdalanýshylardyń bir bóligine qoljetimdi bola bastaǵan.
Eske sala keteıik, buǵan deıin WhatsApp-ta Meta AI-men jeke sóılesýler úshin «ınkognıto rejımi» qosylǵanyn jazdyq.
