WhatsApp-ta kezekti jańa fýnktsııa paıda bolady
ASTANA. QazAqparat - WhatsApp-tyń Twitter-degi resmı akkaýntynda endi belgili messendjerde jiberilgen habarlamany redaktsııalaýǵa múmkin bolatyny týraly aqparat jarııalandy, dep habarlaıdy QazAqparat gagadget.com. saıtyna silteme jasap.
WhatsApp-ta qarapaıym mátindik habarlamalardy óshirý jáne redaktsııalaý múmkindiginen bólek, jiberilgen fotosýretter men vıdeorolıkterge ózgerister engizý fýnktsııasy da paıda bolady.
Ázirge jańa fýnktsııa qosymshanyń testilik nusqasyn paıdalanýshylar úshin ǵana qoljetimdi. Biraq aldaǵy taıaý ýaqytta Android pen iOS-ta WhatsApp-ty qoldanýshylardyń barlyǵynda iske qosylady.
Eske salaıyq, aǵymdaǵy jyldyń qarasha aıynda WhatsApp vıdeoqońyraýlar jasaýǵa múmkindik beretin jańa fýnktsııany iske qosty.
Sondaı-aq buǵan deıin habarlanǵandaı, ústimizdegi jeltoqsan aıynyń sońynda WhatsApp qosymshasy mıllıondaǵan eski smartfondarda qoljetimsiz bolady.
2016 jyldyń sońynda WhatsApp qosymshasy Android, Windows jáne iOS operatsııalyq júıelerimen basqarylatyn telefondarda óshetin bolady. Eski smartfondar aldaǵy ýaqytta servıste ázirlenip jatqan jańa múmkindikterdi oryndaı almaıtyndyqtan osyndaı sheshim qabyldanǵan. Atalmysh servısti Android 2.1\2.2, Windows Phone 7, sondaı-aq iPhone 3GS\iOS6 operatsııalyq júıelerimen basqarylatyn smartfondar paıdalana almaıtyny naqtylanyp otyr.
Al 2017 jyldyń maýsym aıynda WhatsApp BlackBerry, sonymen qatar Symbian S40 jáne S60 fırmalyq platformalary bar Nokia telefondarynda óshetin bolady.
