WhatsApp-ta chattar men arnalardy avtomatty túrde aýdarý múmkindigi paıda boldy

ASTANA. KAZINFORM – WhatsApp messendjeriniń Android júıesine arnalǵan beta-nusqasynda chattar men arnalardaǵy habarlamalardy avtomatty túrde aýdarý múmkindigi iske qosyldy. Bul týraly 24.kg  WABetaInfo portalyna silteme jasap habarlady.

Android júıesinde WhatsApp-tyń 2.25.12.25 nusqasyn ornatqan beta-test qatysýshylary aýdarma jasaý úshin tildik paketterdi júkteı alatyn boldy. Qoldaý kórsetiletin tilder qataryna orys, ıspan, arab, portýgal jáne hındı tilderi kiredi. Budan bólek, paıdalanýshylarǵa tilderdi avtomatty anyqtaıtyn arnaıy paket te qoljetimdi — bul birneshe til qoldanylatyn toptyq chattarda óte paıdaly.

Aýdarma avtomatty túrde júzege asady, degenmen qajet bolǵan jaǵdaıda jekelegen habarlamalardy qolmen aýdarýǵa da múmkindik bar. Sondaı-aq, barlyq áreketter qurylǵynyń ózinde oryndalady — málimetter syrtqy serverlerge nemese Meta kompanııasyna (Reseıde ekstremıstik dep tanylyp, tyıym salynǵan) jiberilmeıdi.

Aýdarý múmkindigi jeke chattarda, toptarda jáne arnalarda qoljetimdi. Alaıda bul fýnktsııa ádepki boıynsha óshirilgen kúıde bolady. Jaqyn arada qoldaý kórsetiletin tilder tizimi keńeıip, qosymsha tildik paketter engiziledi dep kútiledi. 

Jańalyq qazirgi tańda WhatsApp-tyń beta-nusqasyn júktegen keıbir qoldanýshylar úshin qoljetimdi. Bul fýnktsııanyń turaqty nusqalarda qashan paıda bolatyny ázirge belgisiz.

Buǵan deıin habarlanǵandaı, Tsýkerberg sotta Instagram jáne WhatsApp-ty satyp alý isi boıynsha kýálik etti.