WhatsApp-ta adamdar uzaq kútken fýnktsııa paıda boldy
ASTANA. QazAqparat - WhatsApp qurastyrýshylary paıdalanýshynyń qurylǵysyndaǵy ǵana emes, suhbattasýshysynyń da habarlamalaryn joıýǵa múmkindik beretin qosymsha engizdi. Atalǵan qyzmet basqa abonentterge qatelesip habarlama jiberip qoıǵan jaǵdaıda kómegin tıgizbek, dep habarlaıdy The Next Web .
Habarlamanyń tolyqtaı joıý ony jibergennen keıin jeti mınýt ishinde júzege asyrylady. Bul ýaqyt ótkenge deıin habarlama joıylmaı turady. Chattaǵy habarlama ornynda «Habarlama joıyldy» degen jazba paıda bolady.
«Bári úshin joıý» jańa qyzmeti qosymshalar jańartylǵannan keıin paıda bolady. Jańa qyzmetti Android, iOS jáne Windows Phone basqarýyndaǵy qurylǵymen qoldana alady. Ol úshin joıýdy qajet etetin habarlamany tańdap, saýsaqpen basyp turyp, ashylǵan terezeden «Bári úshin joıý» núktesin tańdaý kerek. Qajet bolǵan jaǵdaıda birneshe habarlamany birden joıýǵa bolady, dep jazdy The Next Web.
