WhatsApp paıdalanýshylary mıllıardtan asty
ASTANA. QazAqparat - Facebook-qa tıesili WhatsApp messendjerin aı saıynǵy belsendi paıdalanýshylar sany 1 mlrd-tan asty, dep habarlady Bloomberg.
Servıs-qyzmet aýdıtorııasy Mark Tsýkerbergtiń áleýmettik jelisimen mámile jasasqannan keıin eki eseden astamǵa ulǵaıyp otyr.
«Bir mıllıard paıdalanýshy. Bizdiń shaǵyn kompanııanyń sońǵy jeti jylda jasaǵan eńbegi dep maqtaýǵa turarlyq», - dedi messendjerdiń negizin qalaýshy ıAn Kým.
Kórsetkishti 1 mlrd paıdalanýshyǵa jetkizý messendjerdi satyp alǵannan keıingi Tsýkerbergtiń negizgi maqsaty boldy, dep jazady basylym.
WhatsApp satylǵan soma mámileni resimdeý ýaqytynda áleýmettik jeli aktsııalarynyń quny ósýi saldarynan $19 mıllıardtan $22 mıllıardqa deıin kóterilgen. 2014 jylǵy aqpanda áleýmettik jelimen mámile jasasý aldynda «WhatsApp» jylyna $10,2 mln paıda tapty. Bul somanyń basym bóligi paıdalanýdyń alǵashqy tegin jylynan (Facebook onyń kúshin 2016 jylǵy qańtarda joıdy ) keıin servıske paıdalanýshylardyń jazylý esebinen kelip tústi.
