WhatsApp nómirime kúnine 300 habarlama keledi - Ǵalı Esqalıev
NUR-SULTAN. Qaz-Aqparat - Batys Qazaqstan oblysynyń ákimi Ǵalı Esqalıev áleýmettik jelilerge WhatsApp nómirin jarııalaǵan. Bul týraly ol Ortalyq kommýnıkatsııalar qyzmetinde ótken brıfıngte aıtty, dep habarlaıdy QazAqparat tilshisi.
«Aımaqty damytýǵa qatysty usynys-pikirlerdi estý maqsatynda áleýmettik jelilerde WhatsApp nómirimdi jarııalaǵan edim. Jarııalaǵan kezde suraqtardyń 99 paıyzy aımaq turǵyndarynyń jeke basyna qatysty bolatynyn sezgem», - deıdi Ǵalı Esqalıev.
Ol WhatsApp-qa kúnine 300 habarlama keletinin aıtty.
«Bastapqyda kúnine 250-300 suraq keletin boldy. Qazirgi ýaqytta suraqtar sany azaıdy. Jedel túrde bolmasa da, 2-3 kúnde bir ret WhatsApp-qa kelgen suraqtardy bir saralap, tıisti organdarǵa máseleni sheshý týraly tapsyrma berem», - deıdi oblys ákimi.
Sondaı-aq, ol qala, oblysty damytýǵa qatysty usynystar da keletinin jasyrmady.
«Bul sheshim qanshalyqty nátıjeli ekenin bilmeımin, biraq aıtylǵan usynystardyń keıbiri júzege asýda. Qala, oblystyń damýy boıynsha kásipkerler de usynys aıtady», - deıdi ol.
