WhatsApp messendjerin endi tegin paıdalanýǵa bolady
ASTANA. QazAqparat - Belgili WhatsApp messendjerin endi tegin paıdalanýǵa bolady. 99 tsent kólemindegi jyldyq abonenttik tólemniń joıylýy jónindegi aqparat kompanııanyń korporatıvtik blogynda paıda boldy.
Bul týraly WhatsApptyń negizin qalaýshy ıAn Kým Mıýnhendegi DLD máslıhatynda aıtty. Osyǵan deıin messendjer klıentter úshin paıdalanýdyń alǵashqy jyly ǵana tegin bolǵan. Tólemdi kompanııa ekinshi jyldan bastap qana alyp otyrdy. 18 qańtarda messendjer tegin bolmaq, alaıda qosymshanyń barlyq nusqasyna jazylý eskertýlerin joıý úshin ýaqyt kerek, dep habarlady RBK.
WhatsApp messendjeriniń alǵashqy nusqasy 2009 jyly shyǵaryldy. WhatsAppty burynnan qoldanyp kele jatqandar onyń aqyly ekenin bilmeýi múmkin. Óıtkeni alǵashqy klıentterge ony ómir boıy tegin paıdalaný múmkindigi berildi, dep atap ótti The Verge basylymy. WhatsApp-qa aqyly jazylýdy kompanııa 2013 jyly ǵana engizdi. Kelesi jylǵa dollar tólep qoıǵan WhatsApp paıdalanýshylary abonenttik tólem joıylǵannan keıin aqshasyn qaıtara almaıdy, dep jazdy Re/code.
