«WhatsApp Qazaqstandaǵy jumysyn toqtatady» - feık

NUR-SULTAN. QazAqparat - Qazaqstandyqtar el aýmaǵynda WhatsApp messendjeri jumysyn toqtatatyny týraly aqparat taratýda. Mektepterge bul týraly resmı habarlama jiberilgen-mys Stopfake.kz saıtynyń jazýynsha, bul málimet – jalǵan, dep habarlaıdy QazAqparat.

QR Bilim jáne ǵylym mınıstrligi bilim berý mekemelerine nemese basqa jerlerge mundaı habarlamalar jibermegen.

– Mınıstrlik bilim berý uıymdaryna mundaı aqparat jibergen joq. Bilim jáne ǵylym salasyndaǵy barlyq ózekti jáne senimdi aqparat pen jańalyqtar áleýmettik jelilerde jáne QR BǴM saıtynda jarııalanady, – dep habarlady vedomstvonyń baspasóz qyzmeti.

«Messendjer Qazaqstan aýmaǵynda jumysyn toqtatady deýge eshqandaı negiz joq. Memlekettik organdardyń resmı saıttarynda da, BAQ-ta da tıis aqparat shyqpaǵan. Sondaı-aq Qazaqstanǵa qatysty eshqandaı sanktsııalar engizilmegenin atap ótken jón», - dep jazylǵan saıtta.