WhatsApp habarlamalardy avtomatty túrde óshirmek

NUR-SULTAN. QazAqparat - Facebook-ke tıesili WhatsApp messendjerinde jańa fýnktsııa iske qosylmaq. Qoldanýshy kórsetken merzim ótkennen keıin baǵdarlama habarlamalardy avtomatty túrde óshire alady, dep habarlaıdy QazAqparat.

Bul jańalyqty Android platformasyna arnalǵan 2.19.348 beta-úlgisinen anyqtaǵan WeBetaInfo basylymy jazdy. Burynǵy úlgilerinde fýnktsııa «Joıylatyn habarlamalar» dep atalǵan bolatyn, endi ony «Habarlamalardy óshirý» dep ózgertti.

Fýnktsııanyń baptaýlaryna «Kontakt týraly málimet» nemese «Top týraly málimet» batyrmalary arqyly, eger chat bolsa – toptyq dep qol jetkizýge bolady. Ekinshisinde tek ákimshilerde ǵana múmkindik bar. Habarlamalardy bir saǵattan keıin, kún, apta, aı nemese jyl ótken soń avtomatty túrde óshirýge bolady.

WhatsApp-tyń turaqty nusqasynda jańalyqty paıdalaný ázirge múmkin emes, beta-úlgisinde de barlyq qoldanýshylarǵa qoljetimdi bolmaýy múmkin.