«WhatsApp» arqyly jalǵan aqparat taraýda - QR ІІM
ASTANA. QazAqparat - «WhatsApp» arqyly elimizdiń Іshki ister mınıstrligi áleýmettik jeliler men ózge de baılanys arnalaryna baqylaýdy kúsheıtýde degen jalǵan aqparat taraýda.
Bul jaıynda QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Konstıtýtsııaǵa sáıkes árbir azamattyń qupııa hat almasýǵa, telefonmen, poshta arqyly jáne basqa da habarlama almasýyna quqyǵy bar. Bul quqyq prokýror sanktsııasymen zańnama aıasynda ǵana shektelýi múmkin», - dedi Almas Sadýbaev.
Osy rette ol qasaqana jalǵan aqparat taratý qylmystyq jaýapkershilikke túrtki bolatyndyǵyn eskertip ótken.
Aıta keteıik, «WhatsApp» arqyly elimizdiń Іshki ister mınıstrliginiń qaýlysymen adamdar sóılesýiniń jańa erejesi erteń kúshine enetindigi týraly aqparat tarady. Habarlamada barlyq telefon qońyraýlary jazylatyndyǵy, áleýmettik jeliler baqylaýǵa alynatyndyǵy aıtylǵan.
