WhatsApp arqyly kúnine 1 mlrd adam 55 mlrd habarlama jiberedi

ASTANA. QazAqparat - WhatsApp messendjeriniń artyqshylyǵy, onyń qarapaıymdylyǵy men yńǵaılylyǵynda. WhatsApp Inc., kompanııasynyń bıznesti damytý jónindegi vıtse-prezıdenti Nıradj Arora dúısenbi kúni Dýbaıda ótken Búkilálemdik 6-shy úkimet sammıtinde osyndaı málimdeme jasady, dep habarlaıdy TASS.

Aroranyń aıtýynsha, WhatsApp qoldanýshylarynyń sany aıyna 1,3 mlrd adamǵa jetken. Sonymen qatar, kún saıyn 1 mıllıardqa jýyq adam 55 mlrd shamasyndaǵy habarlama jiberedi eken. Vıtse-prezıdent óz sózinde mátindik jáne daýystyq habarlamalar kóldeneń shıfrleý ádisi (end-to-end) arqyly qorǵalatynyn da jetkizdi.

Búkilálemdik úkimet sammıti BAÁ premer mınıstri jáne Dýbaı qalasynyń basshysy sheıh Muhammed ben Rashıd Ál Maktýmnyń qamqorlyǵymen ótkizilip keledi. 2013 jyly alǵash ret uıymdastyrylǵan is-shara azǵana ýaqyttyń ishinde halyqaralyq sıpatqa ıe bolǵan.