WhatsApp arqyly qaýipti tumaý týraly jalǵan aqparat taratqandar izdestirilýde
ALMATY. QazAqparat- WhatsApp messendjeri jáne áleýmettik jeliler arqyly ajaldy tumaý týraly taratylǵan jalǵan aqparat boıynsha Qazaqstanda tekserý júrgizilip jatyr.
«Sońǵy ýaqytta áleýmettik jelilerde tumaýǵa qatysty úreı týǵyzatyn aqparat tarap jatyr. Ol shyndyqqa janaspaıdy. Bul aqparattyń Almatyny aıtpaǵannyń ózinde Qazaqstanǵa qatysy bary-joǵy ázirge belgisiz. Alaıda, QR Іshki ister mınıstrligi bul derek boıynsha ortalyqtandyrylǵan túrde tekserý júrgizip jatyr», - dedi Almaty qalalyq ІІD-niń resmı ókili Saltanat Ázirbek.
QR Qylmystyq Kodeksiniń jańa redaktsııasyna sáıkes, buqaralyq aqparat quraldary men áleýmettik jeliler arqyly qasaqana jalǵan aqparatty taratý boıynsha 5 myń aılyq-eseptik kórsetkishke deıin aıyppul salý nemese 2 jyldan 5 jylǵa deıin bas bostandyǵynan aıyrý jazasy qarastyrylǵan.
«Ótken jyly ár túrli baǵytta jalǵan aqparat taratqan 10 adam anyqtaldy. Mundaı aqparattar adamdar arasynda úreı týǵyzatyny anyq. Sondyqtan mundaı jaǵdaıda túsindirý jumystary júrgiziledi. Osyǵan baılanysty, áleýmettik jeli arqyly aqparat jazatyn azamattardy ár sózi úshin jaýapty bolýǵa shaqyramyz», - dedi S. Ázirbek.
Aıta ketelik, WhatsApp messendjerinde shoshqa tumaýy týraly dybystyq habarlama taratqan áıel tumaý indetiniń taralyp jatqany jáne shoshqa tumaýynan 39 adamnyń kóz jumǵany jaıly aıtady. Al bul oqıǵanyń qaı jerde oryn alǵany aıtylmaǵan.
