WhatsApp 2018 jyly keıbir smartfondarda qoljetimsiz bolady

ASTANA. QazAqparat - WhatsApp messendjeri 2018 jyldyń 1 qańtarynan bastap keıbir operatsııalyq júıelerden bas tartpaq, dep habarlaıdy BELTA .

Atap aıtqanda, jańa jyldan bastap OS Windows Phone 8.0 ( nemese odan da eski) BlackBerry OS ne BlackBerry 10 júıelerimen jumys isteıtin smartfondardan óshiriledi. Sondaı-aq Nokia S40 júıesine de qoljetimsiz bolady. Al 2020 jylǵa qaraı WhatsApp Android 2.3.7 jáne odan eski júıelermen jumys isteıtin smartfondarda da qoljetimsiz bolady.

Messendjer atalǵan júıelerden kezeń-kezeńimen bas tartady. Paıdalanýshylarǵa Android, iPhone nemese Windows Phone-nyń jańa nusqalaryna kóshýdi keńes beredi.