«Westoil Software» ereýilge shyqqandardyń ornyna jumyssyzdar qatarynan 20 adamdy jumysqa qabyldady
ASTANA. KAZINFORM — Jumyssyzdyq tiziminde kezekte turǵan 20 azamat Westoil Software mekemesine jumysqa ornalasty.
Kompanııa dırektorynyń orynbasary Aqylbek Sadýevtiń aıtýynsha, jumysqa ornalasýǵa úmitti 75 azamattyń 20-sy áńgimelesýdiń barlyq kezeńderinen ótip, jumystaryna kiristi.
— Birinshi kezekte jumys tájirıbesi men biliktiligi kompanııanyń talaptaryna sáıkes keletin 20 adam irikteldi. Qazirgi tańda olar jumys oryndaryna bólindi, barlyq qujattaryn jınap, fızıkalyq tekserýden ótkennen keıin jumystaryna kirisedi, — dedi Aqylbek Sadýev.
Kompanııa zańsyz narazylyq aktsııasyn toqtatýǵa nıeti joq adamdardyń ornyna kezeń-kezeńimen mamandar jınaıtynyn atap ótti.
«Jumysyn jalǵastyrǵysy keletin jumysshylar bos laýazymdarǵa ózge azamattar jumysqa qabyldanǵanǵa deıin jumysyna qaıta oralýyna múmkindigi bar», - dep habarlady kompanııanyń baspasóz qyzmeti.
