WBO Jánibek Álimhanuly - Haıme Mýngııa aıqasy boıynsha resmı sheshim shyǵardy

ASTANA. QazAqparat – Dúnıejúzilik boks uıymy (WBO) orta salmaqtaǵy álem chempıony qazaqstandyq Jánibek Álimhanuly (13-0, 8 KO) men odan salmaǵy tómendeý meksıkalyq burynǵy chempıon Haıme Mýngııa (41-0, 33 KO) arasynda jekpe-jekti belgiledi, dep habarlaıdy QazAqparat Sports.kz saıtyna silteme jasap.

«WBO chempıon komıteti Haıme Mýngııa men Jánibek Álimhanuly arasynda aıqas ótkizý boıynsha kelissózder bastaýdy mindetteıdi. Taraptarǵa kelisimge kelýge 15 kún beriledi», - delingen uıym jibergen hatta.

Eger Jánibek Álimhanuly men Haıme Mýngııa ókilderi atalǵan merzimde kelisimge kele almasa, promoýterlik saýda taǵaıyndalady. Onyń merzimi 5 jeltoqsan, tómengi stavka $200 000 quraıdy.

Jánibek Álimhanulynyń tarapyn Top Rank kompanııasy jáne menedjer Egıs Klımas usynady, al Haıme Mýngııanyń múddesin Zanfer Boxing jáne Golden Boy Promotions promoýshenderi birlesip júrgizýde.

Sheshimdi WBO prezıdenti Fransısko Valkarsel qazan aıynyń sońynda jarııalaǵan bolatyn. Ol kezde Jánibek Álimhanuly brıtandyq Denzel Bentlımen, al Haıme Mýngııa argentınalyq Gonsalo Korııamen aıqas ótkizgen joq edi.

Buǵan deıin habarlanǵandaı, WBC orta salmaqtaǵy «ýaqytsha» álem chempıony Karlos Adames Jánibek Álimhanulymen aıqasýǵa kelisim bergen bolatyn.

Foto: sports.kz