WBO: Jánibek Álimhanuly rıngke qaıta oralady
KAZINFORM.ASTANA – Dúnıejúzilik boks uıymy (WBO) chempıondar komıteti qazaqstandyq boksshy Jánibek Álimhanulynyń jarystan shettetý merzimin toqtatty.
Uıymnyń habarlaýynsha, qazaqstandyq boksshynyń tıisti talaptardy oryndaýyna baılanysty, jarystan shettetý merzimi resmı toqtatylǵan.
- Komıtet qoıǵan sharttardy oryndaǵannan keıin, Álimhanuly myrza Álem chempıonaty komıtetine óziniń mártebesin qaıta qaraýdy surap resmı ótinish berdi. Komıtet onyń talaptarǵa saı kelýin baǵalap, usynylǵan qujattardy qarap, oǵan qoıylǵan tıisti sharttardy tolyq oryndaǵanyn anyqtady. Sáıkesinshe, Álimhanuly myrzanyń shettetilýi 2026 jyldyń 10 shildesinen bastap toqtatyldy,- delingen habarlamada.
Eske salaıyq, Jánibek Álimhanuly 2026 jyly 21 shildede WBO nusqasy boıynsha orta salmaqtaǵy álem chempıony ataǵynan óz erkimen bas tartyp, sýper orta salmaqqa aýysty.
Sonymen qatar, qazaqstandyq boksshy uıymnyń jańartylǵan reıtınginde birden 2-satyǵa jaıǵasty.
Sondaı-aq, Jánibek Álimhanuly resmı túrde WBO sýper orta salmaq chempıony Hamza Shırazdyń mindetti qarsylasy retinde belgilendi.
