WBO Vladımır Klıchkony Derek Chısora - Taıson Fıýrı jubynyń jeńimpazymen jekpe-jekke shyǵýǵa mindettedi
ASTANA. QazAqparat - Brıtandyq boksshylar Derek Chısor men Taıson Fıýrı arasynda ótetin kezdesýdiń jeńimpazy Dúnıejúzilik boksshylar uıymynyń (WBO) nusqasy boıynsha aýyr salmaqtaǵy álem chempıony tıtýlynyń qazirgi ıegeri ýkraındyq Vladımır Klıchkomen jekpe-jekke mindetti túrde shyǵatyn boldy.
Sheshim Las-Vageste ótken jyl saıynǵy (WBO) konferentsııasynda belgili boldy.
Chısor men Fıýrı arasyndaǵy qarymta kezdesý 29 qarashada ótedi. Boksshylar onyń aldynda, 2011 jyly baq synaǵan. Ol kezde Fıýrı qarsylasynan upaı sanymen basym túsken edi, biraq Klıchkomen jekpe-jekke shyǵýdan bas tartqan.
Chısor kásibı rıngte 20 ret basym túsip (13 nokaýt), 4 ret jeńilistiń aşy támin tatqan, Fıýrıdiń esebinde 22 jeńis (16 nokaýtpen), birde-bir ret jeńilip kórmegen.
Klıchko taıaýda, ıaǵnı 15 qarashada jekpe-jekke shyǵady. Bolgarııa sportshysy Kýbart Pýlevpen aıqasta ýkraındyq Halyqaralyq boksshylar federatsııasy (IBF), WBO jáne Dúnıejúzilik boksshylar qaýymdastyǵy (WBA) nusqasy boıynsha tıtýlyn qorǵamaq. Ýkraındyq 62 ret jeńisti (53-i nokaýt) enshilese, úsh ret jeńilgen.
Sońǵy ret Klıchko rıngke 26 sáýirde shyǵyp, avstralııalyq Aleks Leapaıdi 5-shi raýndta nokaýtpen utqan bolatyn.
