WBO úzdik boksshy dep tanyǵan Meıirim Nursultanov Tashkentte jekpe-jek ótkizedi
Qazaqstandyq kásipqoı boksshy Meıirim Nursultanov (19-0, 11KO) Chılı ókili Hýlıo Alamosqa (16-1, 9KO) qarsy jekpe-jegi aldynda salmaq ólsheý protsedýrasynan ótti. Kazinform bul týraly Instagram-daǵy «Qazaqstannyń kásipqoı boksy» paraqshasyna silteme jasap habarlaıdy.
M.Nursultanov orta salmaq sanatynyń lımıtinen aspaı, tarazy 72,5 keli kórsetti. Onyń qarsylasynyń kórsetkishi – 72,3 keli.
Boksshylar salmaq ólshegennen keıin dástúrli túrde kóz arbasý rásimin ótkizdi.
Nursultanov – Alamos aıqasy 17 qarasha kuni Ózbekstannyń astanasy – Tashkentte ótedi. Jekpe-jek statýsy – WBC jelisi boıynsha irikteý kezdesý.
Aıta keteıik, jeńilip kórmegen qazaqstandyq boksshy Meıirim Nursultanov Dúnıejúzilik boks uıymynyń (WBO) nusqasy boıynsha 2023 jyldyń orta salmaqtaǵy úzdik boksshysy atandy.
Sondaı-aq ol BoxRec.com saıtynda salmaq dárejesinen tys qazaqstandyq boksshylar reıtınginde kósh bastap tur.
Posmotret etý pýblıkatsııý v Instagram
