WBO uıymy Jánibek Álimhanulyna chempıondyq ataǵyn saqtap qalý úshin 5 kún ýaqyt berdi

ASTANA.KAZINFORM - Dúnıejúzilik boks uıymy (WBO) Qazaqstandyq boksshy Jánibek Álimhanulyna (16-0, 11KO) jáne onyń komandasyna kezekti jekpe-jeginde ne úshin WBO chempıondyq beldigin qorǵamaǵany týraly túsindirýdi surady.

WBO uıymy chempıondyq beldikti erikti qorǵaý tıtýldan aıyrýǵa sebepshi bolýy mumkin ekenin eskertti. Sondaı-aq, uıym qazaqstandyq boksshynyń komandasyna osy jaǵdaıdy túsindirýge 5 kún ýaqyt berdi. 

Eger Jánibek Álimhanulynyń túsiniktemesi WBO erejelerine sáıkes kelmese, qazaqstandyq boksshy chempıondyq tıtýlynan aıyrylýy múmkin. Bul jaǵdaıda tıtýl bos qalady jáne ol úshin WBO reıtınginiń birinshi jáne ekinshi nómirleri: brıtandyq boksshylar Hamza Shıraz (21-0, 17 KO) jáne Denzel Bentlı (20-3-1, 17 KO) judyryqtasady. 

Aıta keteıik, otandasymyz juma kúni Sıdneıde jańazelandııalyq Andreı Mıhaılovıchti 9-raýndta tehnıkalyq nokaýtpen jeńip, orta salmaqtaǵy IBF álem chempıony tıtýlyn sátti qorǵady. 

Buǵan deıin habarlaǵanymyzdaı, WBO uıymy jekpe-jekke bir kún qalǵanda, Jánibek-Mıhaılovıch aıqasynda qazaqstandyq boksshyǵa WBO tıtýlyn qorǵaýǵa order berdi. Alaıda, Mıhaılovıchtyń komandasy tek IBF tıtýly úshin judyryqtasatynyn alǵa tartyp, boks keshinde WBO tıtýly sarapqa salynbady.