WBO resmı túrde Golovkın men Álimhanulynyń jańa statýsyn jarııalady

NUR-SULTAN. QazAqparat - Dúnıejúzilik boks uıymy (WBO) barlyq salmaq dárejesindegi boksshylar reıtınginiń jańartylǵan nusqasyn jarııalady, dep habarlaıdy QazAqparat Sports.kz-ke silteme jasap.

Ekinshi orta salmaqtaǵy Gennadıı Golovkın ekinshi orynnan birinshi orynǵa kóterilip, chempıondyq tıtýlǵa jaqyndaı tústi. Eske salaıyq, 18 qyrkúıekte (astana ýaqytymen) GGG barlyq tıtýldyń qazirgi ıegeri Saýl «Kanelo» Alvarespen absolıýtti chempıon ataǵy úshin judyryqtasady. Reıtıngide amerıkalyq Demetrıýs Andrade – ekinshi, brıtandyq Zak Parker úshinshi orynda tur. 15-orynda bolǵan Aıdos Erbosynuly reıtıngiden shyǵyp qaldy.

Orta salmaq sanatyndaǵy Jánibek Álimhanuly tolyqqandy álem chempıony bolyp bekitildi. Meıirim Nursultanov bir satyǵa kóterilip, besinshi orynǵa turaqtady. Úzdik úshtikte Haıme Mýngıa (Meksıka), Krıs ıÝbenk (Ulybrıtanııa) jáne Eskıva Falkao (Brazılııa) tur.

Ekinshi jartylaı jeńil salmaqta Sultan Záýirbek 12-shi ornyn saqtap qaldy. Reıtıng kóshbasshylary burynǵysynsha ulybrıtanııalyq Archı Sharp, brazılııalyq Robson Konseısao jáne Meksıka boksshysy Oskar Valdes. Chempıondyq tıtýl AQSh ókili Shakýr Stıvensonǵa tıesili.

Foto: sports.kz