WBO nusqasy boıynsha ekinshi orta salmaqtaǵy jańa álem chempıony Golovkınmen aıqasqa daıyn ekenin aıtty
ASTANA. QazAqparat - WBO nusqasy boıynsha ekinshi orta salmaqtaǵy jańa álem chempıony meksıkalyq Hılberto Ramıres (34-0, 24 KO) WBA (Super), IBO, WBC (Interim) jáne IBF nusqalary boıynsha orta salmaqtaǵy álem chempıony qazaqstandyq Gennadıı Golovkınmen (34-0, 31 KO) jekpe-jekke ázir ekenin aıtty.
"Men barlyǵyna daıynmyn. Tıtýlym bar jáne qalaǵan kez kelgen boksshy menen ony alyp kórsin", - degen Ramırestiń sózderin keltirdi boxingnews24.com.
Bul týraly meksıkalyq Las-Vegasta MGM Grand arenasynda Artýr Abrahammen (44-5, 29 KO) kezdesýden keıin málim etti. Ramıres tóreshilerdiń biraýyzdy sheshimimen ekinshi orta salmaqtaǵy WBO jańa chempıony atandy.
Aıta ketý kerek, Raıres Abrahammen kezdeser aldynda Golovkınmen aıqasýǵa nıet bildirgen. "Men Golovkınmen judyryqtasqym keledi. Óıtkeni ol úzdik boksshy». Onyń promoýteri Bob Arým bul jekpe-jekti uıymdastyrýdy josparlap otyrǵanyn atap ótti.
