WBO: Mıgel Kotto men Sadam Álı 2 jeltoqsanda AQSh-ta aıqasady
ASTANA. QazAqparat - Búkálilemdik boks uıymy (WBO) nusqasyndaǵy 69,9 kelige deıingi salmaqta álem chempıony Pýerto-Rıko boksshysy Mıgel Kotto sporttyq mansabyndaǵy sońǵy jekpe-jegin 2 jeltoqsan kúni Nıý-Iorkte ótkizedi.
Oǵan bul aıqasta AQSh sportshysy Sadam Álı qarsylas bolady, dep habarlaıdy Boxingnews24.
Kotto men Álı aıqasy Nıý-Iorktegi «Medıson Skver Garden» arenasynda ótedi. Buryn 36 jastaǵy Kotto bul karerasyndaǵy sońǵy jekpe-jek bolatynyn málimdegen edi.
Pýertorıkolyq bylǵary qolǵap sheberiniń esebinde 41 jeńis (33 nokaýt), 5 jeńilis bar. 2015 jyldyń qarashasynda ol meksıkalyq Saýl Alvaresten jeńilip, Búkilálemdik boks keńesiniń 66,68 kelige deıingi salmaqta álem chempıony ataǵynan aıyryldy. Ústimizdegi jyldyń tamyzynda Kotto bos turǵan WBO álem chempıony tıtýlyn jeńip aldy. Bul joly ol Kalıfornııa shtatynyń Karson qalasynda japonııalyq Iosıhıro Kamegaımen 12 raýnd judyryqtasyp, upaılar boıynsha jeńiske jetti.
29 jastaǵy Sadam Álı kásipqoı boksta 25 jekpe-jekte jeńiske jetip (14 nokaýt), bir ret súringen.
