WBO eks-chempıony qaza tapqan sumdyq jol apatynyń vıdeosy jelige tarady
NUR-SULTAN. QazAqparat – Argentınada burynǵy WBO chempıony jan túrshigerlik jol apatynan qaza tapty. Onyń vıdeosyn jergilikti SMNoticias basylymy YouTube arnasynda jarııalady, dep habarlaıdy QazAqparat.
Býenos-Aıres mańyndaǵy Tıgre qalasynda WBO Latino tujyrymy boıynsha Latyn Amerıkasynyń burynǵy chempıony Leonardo Gonsales jol apatyna ushyrady.
Sýper aýyr salmaq sanatynda óner kórsetken boksshy 44 jasta edi. Sportshy avtomobıldiń jolaýshy oryndyǵynda otyrǵan. Júrgizýshi kólikti tizgindeı almaı, qıylystyń shetinde turǵan baǵanaǵa soǵylǵan. Gonsales til tartpaı ketken, al júrgizýshi hal ústinde aýrýhanaǵa jetkizildi.
Leonardo Gonsales 1995-2013 jyldar aralyǵynda 20 jekpe-jek ótkizip, 13 qarsylasyn nokaýtpen jeńgen.
