WBO eks-chempıony Golovkın men Kanelo jekpe-jegine boljam jasady

NUR-SULTAN. QazAqparat - WBO International nusqasy boıynsha sýper orta salmaqtaǵy eks-chempıon Magomed Kýrbanov (22-0, 13 KO) qazaqstandyq boksshy Gennadıı Golovkın (42-1-1, 37 KO) men meksıkalyq Saýl «Kanelo» Alvarestiń (57 -2-2, 39 KO) úshinshi jekpe-jegine boljam jasady, dep habarlaıdy QazAqparat Sports.kz-ke silteme jasap.

«Meniń oıymsha, Kanelo jeńiske jetedi. Biraq onyń bul jekpe-jekke qandaı daıyndyqpen keletindigin baıqaý kerek. Eger Saýl Dmıtrıı Bıvolmen bolǵan jekpe-jekten keıin qorytyndy shyǵarmasa jáne sol qalpynda kórinip, sharshasa Golovkın tizgindi qolǵa alýy múmkin»,- dedi ol.

Eske salaıyq, 2017 jyldyń qyrkúıeginde Golovkın men «Kanelo» kezdesýi teń aıaqtaldy.

Bir jyldan keıin, ıaǵnı 2018 jyldyń qyrkúıeginde S.Alvares tóreshiler sheshimimen Qazaqstan sportshysyn jeńdi.

Golovkın de Alvares te úshinshi aıqas týraly resmı málimdeme jasady.