WBO barlyq jekpe-jekti keıinge shegerdi

NUR-SULTAN. QazAqparat – Búkilálemdik boks uıymy (WBO) koronavırýs pandemııasyna baılanysty osy jyldyń maýsym aıyna deıin josparlanǵan barlyq týrnırdi ótkizýge tyıym saldy, dep habarlaıdy QazAqparat tilshisi.

«Aldaǵy aıqastarǵa baılanysty mańyzdy málimdeme jasaǵymyz keledi. COVID-19 koronavırýsy týyndatqan álemdegi qazirgi ahýalǵa baılanysty WBO barlyq sharany 2020 jyldyń maýsym aıyna deıin shegerdi. Jańalyqtardy sizderge habarlap turamyz», - dep jazylǵan boks uıymynyń resmı saıtyna silteme jasap VKontaktedegi «Qazaqstan kásipqoı boksy» paraqshasynda.

Aıta ketsek buǵan deıin ýkraınalyq boksshy Vasılıı Lomachenko men amerıkalyq Teofımo Lopestiń jekpe-jeginiń keıinge shegerilgeni jarııalanǵan edi. Aıqas 30 mamyrda ótýi tıis bolǵan. Onda Lomachenkoǵa tıesili WBO nusqasy boıynsha jeńil salmaqtaǵy álem chempıony beldigi sarapqa salynbaq boldy.